CNN: ABŞ ordusunun raket ehtiyatlarının böyük qismi tükənib

ABŞ ordusunun İrana hücumla başlayan müharibədə raket ehtiyatlarının böyük qismi tükənib.

E-huquq.az CNN-ə istinadən xəbər verir ki, Pentaqonun raket ehtiyatları ilə bağlı daxili qiymətləndirmələrə görə, ABŞ ordusu fevralın 28-də İrana hücumla başlanan müharibədə əsas raket ehtiyatlarını əhəmiyyətli dərəcədə itirib.

Bu, ABŞ ordusunun gələcəkdə potensial qarşıdurmalar zamanı sursat və ehtiyat çatışmazlığına, hətta tükənməsinə səbəb ola bilər.

Pentaqon bu ilin əvvəlində raket istehsalını artırmaq üçün müqavilələr imzalasa da, yeni ehtiyatların çatdırılma müddəti 3-5 il arasında dəyişir.

Lakin, Pentaqonun sözçüsü Sean Parnell ABŞ ordusunun müdafiə qabiliyyətini qorumaq üçün lazımi sursat və imkanlara malik olduğunu bildirib.

Hesabatda göstərilir ki, müharibənin ilk 7 həftəsində ABŞ-nin dəqiq zərbəli raket ehtiyatının 45%-i, THAAD raketdən müdafiə inventarının yarısı və Patriot hava hücumundan müdafiə ehtiyatlarının böyük hissəsi tükənib. Həmçinin, Tomahawk və JASSM raketlərinin əhəmiyyətli hissəsi də istifadəyə verilib.

Şəbnəm Mehdizadə