Çin alimləri Aydan toplanan nümunələrdə iki yeni mineral aşkar edib

Çin alimləri Aydan topladığı nümunələrdə əvvəllər məlum olmayan iki mineral aşkar edib.

E-huquq.az "Global Times"a istinadən xəbər verir ki, mineralların kəşfi Sıçuan əyalətinin Çendqu şəhərində 11-ci Çin Kosmos Gününün açılış mərasimində elan edilib.

Chang'e-5 rover tərəfindən toplanan qaya və torpaq nümunələrində tapılan fosfat mineralları "maqneziochangisite-(Y)" və "changisite-(Ce)" adlandırılıb.

Nadir torpaq fosfat kateqoriyasına daxil olan bu minerallar Beynəlxalq Mineralogiya İttifaqının Yeni Minerallar, Şərtlər və Təsnifat Komissiyası tərəfindən təsnif və təsdiq edilib.

Bu iki mineral Çin tərəfindən Aydan toplanmış qaya və torpaq nümunələrində aşkar edilən ikinci və üçüncü minerallardır. Çin alimləri daha əvvəl 2022-ci ilin sentyabrında Ay nümunələrində "çangizit-(Y)" adlandırdıqları fosfat mineralının kəşf edildiyini bildirmişdilər.

Yeni kəşflərlə bu günə qədər Ayda kəşf edilən mineralların sayı 8-ə yüksəlib. Çindən əvvəl ABŞ və Rusiya Ay səthindən qaya və torpaq nümunələri toplayaraq mineral kəşfiyyatına öncülük etmişdilər.

Şəbnəm Mehdizadə