Türkiyədə ağır yol qəzası: 2 ölü, 2 yaralı

Türkiyədə ağır yol qəzası baş verib.

E-huquq.az "TRT Haber"ə istinadən xəbər verir ki, Şanlıurfanın Əyyubiyə rayonunda iki avtomobil toqquşub. Qəza nəticəsində 4 nəfər yaralanıb.

Hadisə yerinə tibb və jandarma qrupları cəlb edilib.

Qəzada yaralanan 4 nəfər sağlamlıq qrupları tərəfindənyaxınlıqdakı xəstəxanaya aparılıb.

Onlardan ikisinin həyatını xilas etmək mümkün olmayıb.

Hadisənin səbəbi araşdırılır.

Şəbnəm Mehdizadə