İspaniya Kolumbiyaya 1 milyon avroluq yardım göndərəcək

İspaniya zəlzələ nəticəsində zərər çəkmiş Kolumbiyaya yardım paketi ayıracaq.

E-huquq.az xəbər verir ki, bu barədə İspaniyanın xarici işlər naziri Xose Manuel Albares jurnalistlərə açıqlamasında bildirib.

Onun sözlərinə görə, zəlzələdən sonra ən təxirəsalınmaz ehtiyacların qarşılanması üçün ilk yardım paketini 1 milyon avro təşkil edəcək.

Yardım çərçivəsində Kolumbiyaya dərman preparatları da göndəriləcək.

Albares bildirib ki, təbii fəlakətdən sonra 75 İspaniya vətəndaşı ilə əlaqə yaratmaq mümkün olmayıb.

Xatırladaq ki, avqustun 10-da Çoko departamentindəki San-Xose-del-Palmar şəhərində 7,4 bal gücündə zəlzələ baş verib.

Humay Eminqızı