Almaniyada meşə yanğınları ilə mübarizə davam edir, əhali təxliyə edilir

Almaniyanın Reyn-Vestfaliya əyalətinin Hürtgenwald bələdiyyəsində baş verən meşə yanğını yaşayış məntəqələrinə doğru irəliləyir.

E-huquq.az xarici KİV-ə istinadən xəbər verir ki, yanğın alovları Gey məhəlləsinə təxminən 200 metr məsafəyədək yaxınlaşıb.

Sakinlərin təhlükəsizliyinin təmin olunması məqsədilə ərazidə təxliyə tədbirlərinə başlanılıb. Məlumata görə, artıq 2 min nəfər təhlükəsiz ərazilərə köçürülüb.

Yanğın nəticəsində təxminən 300 hektar meşə sahəsi zərər görüb. Hadisə yerində yanğının yayılmasının qarşısının alınması üçün genişmiqyaslı işlər aparılır.

Qeyd edək ki, Almaniya-Belçika sərhədinə yaxın yerləşən Hürtgenwald bələdiyyəsində təxminən 9 min nəfər yaşayır.

Humay Eminqızı