Kolumbiya ABŞ-dən əlavə gömrük rüsumlarının müvəqqəti dayandırılmasını istədi

Kolumbiya Prezidenti Abelardo de la Espriella ABŞ Dövlət Katibi Marko Rubio ilə telefon danışığı zamanı zəlzələ səbəbindən ölkəyə tətbiq edilən əlavə gömrük rüsumlarının müvəqqəti olaraq dayandırılmasını xahiş edib.

E-huquq.az xəbər verir ki, bu barədə Prezident “X” sosial media platformasında məlumat yayıb.

O, Rubio ilə çox səmərəli söhbət apardığını bildirib.

Abelardo de la Espriellanın sözlərinə görə, o Ticarət naziri Mauricio Qomezə məsələni şəxsən həll etmək üçün bu gün birbaşa Vaşinqtona getməyi tapşırıb.

"Baş vermiş faciədən sonra ABŞ-nin Kolumbiyaya göstərdiyi dəstəyə, xüsusilə də iqtisadi və humanitar yardımlara, həmçinin xilasetmə qruplarının cəlb edilməsinə görə Katib Rubioya təşəkkürümü bildirdim", - Prezident bildirib.

O qeyd edib ki, bu gün Kolumbiya və ABŞ hər zamankından daha çox birlik içində olmalıdır.

Qeyd edək ki, Avqustun 10-da Kolumbiyada baş vermiş 7,4 bal gücündə zəlzələ nəticəsində həlak olanların sayı 300-ü ötüb.

Humay Eminqızı