Ukrayna Luqanska hücum edib: 3 nəfər ölüb, 10 nəfər yaralanıb

Son 24 saat ərzində Ukrayna Silahlı Qüvvələri Luqansk Xalq Respublikasının beş yaşayış məntəqəsinə zərbələr endirib.

E-huquq.az xəbər verir ki, region rəhbəri Leonid Paseçnik bu barədə öz Telegram kanalında məlumat yayıb.

Məlumata görə, hücumlar nəticəsində 3 nəfər həlak olub, 10 nəfər isə yaralanıb.

Onun sözlərinə görə, Rubejnoye şəhərində “Luqanskteplo” şirkətinin qəza briqadasının avtomobilinə edilən hücum nəticəsində 3 işçi həlak olub, 2 nəfər yaralanıb.

Yol təmiri zamanı xüsusi texnikaya Ukrayna Silahlı Qüvvələrinin hücumu nəticəsində 3 nəfər xəsarət alıb.

Luqanskda avtomobil təmiri stansiyasına və şirniyyat sexinə endirdiyi zərbə nəticəsində 2 sakin yaralanıb.

Lisiçanskda yaşayış evlərinə PUA hücumları nəticəsində 2 qadın yaralanıb.

Starobelsk dairəsində yük avtomobilinə edilən hücum nəticəsində isə sürücü yaralanıb.

Humay Eminqızı