Amurda yanğın nəticəsində ölənlərin sayı 7 nəfərə çatıb

Rusiyada Amur qaz-kimya kompleksinin tikinti meydançasında baş verən yanğında ölənlərin sayı 7 nəfərə çatıb.

E-huquq.az Rusiya KİV-ə istinadən xəbər verir ki, həyatını itirənlər arasında Çin vətəndaşları da olub.

Hadisə nəticəsində 152 nəfər xəsarət alıb. 122 nəfərin xəsarətləri yüngül qiymətləndirilib. 6 nəfərin vəziyyətinin ağır olduğu bildirilib.

9 Çin vətəndaşı itkin düşüb.

Tikinti sahəsində axtarış-xilasetmə işləri davam edir.

Məlumata görə, hazırda yanğının ocağı lokallaşdırılıb.

Kompleksin əsas avadanlıqlarına ziyan dəymədiyi bildirilib.

Humay Eminqızı