Pakistanda xəstəxanada güclü yanğın zamanı 15 körpə ölüb

Pakistanın paytaxtı İslamabadda yerləşən xəstəxananın yenidoğulmuşlar şöbəsində güclü yanğın baş verib.

E-huquq.az xəbər verir ki, bu barədə “Geo News” kanalı məlumat yayıb.

Məlumata görə, Tibb Elmləri İnstitutunda yerləşən yenidoğulmuşlar şöbəsində yanğın yerli vaxtla saat 06:45-də başlayıb.

Hadisəyə səbəb kondisionerin kompressorunun partlaması olub.

Nəticədə 15 körpə həyatını itirib.

Hadisə ilə bağlı araşdırma aparılır.

Humay Eminqızı