Nepal XİN xarici vətəndaşların xilas edilməsi üçün operativ qrup yaradıb

Nepal Xarici İşlər Nazirliyi Bhote-Koşi çayında baş verən dağıdıcı daşqın nəticəsində zərər çəkən və ya itkin düşən xarici vətəndaşların axtarışı və xilas edilməsi işlərini əlaqələndirmək üçün operativ qrup yaradıb.

E-huquq.az xəbər verir ki, bu barədə nazirlik məlumat yayıb.

“Bu qrup dərhal fəaliyyətə başlayıb və təbii fəlakətdən zərər çəkən xarici vətəndaşlarla bağlı məlumatların yoxlanılması, axtarış-xilasetmə əməliyyatlarına dəstək və konsulluq yardımının göstərilməsi üçün əsas əlaqələndirici qurum olacaq”, – deyə nazirlik bildirib.

Məlumata görə, qrup hadisə bölgəsində olan xarici vətəndaşlarla bağlı məlumatları toplayacaq, aidiyyəti qurumlarla əməkdaşlıq edəcək və təsdiqlənmiş məlumatların onların ailələrinə və diplomatik nümayəndəliklərinə çatdırılmasını təmin edəcək.