Şimali Kiprdə sərnişin gəmisinin batması ilə bağlı 14 nəfər saxlanılıb

Şimali Kiprdə sərnişin gəmisinin qəzaya uğraması ilə bağlı saxlanılanların sayı 14-ə çatıb.

E-huquq.az xəbər verir ki, bu barədə "TRT" telekanalı məlumat yayıb.

Qeyd edək ki, daha əvvəl 9 nəfərin saxlanıldığı bildirilmişdi.

Onlar məhkəmədə ifadə verərək bildiriblər ki, dalğaların təsiri nəticəsində gəminin burun hissəsi qopub və bu da gəmiyə su dolmasına, daha sonra isə batmasına səbəb olub.

Axtarış-xilasetmə əməliyyatı davam edir. Hazırda 18 nəfər hələ də itkin hesab olunur.

Qeyd edək ki, dünən Şimali Kipr sahillərində batan gəminin göyərtəsində 267 sərnişin olub.

Humay Eminqızı