Misirdə sərnişin avtobusu aşıb: 22 nəfər ölüb

Misirdə sərnişin avtobusunun aşması nəticəsində 22 nəfər həyatını itirib.

E-huquq.az xarici KİV-ə istinadən xəbər verir ki, Misirin Cənubi Sinay əyalətindəki Dahab-Nuveyba magistralında sərnişin avtobusunun aşması nəticəsində ölənlərin sayı 22-yə çatıb.

Misirin Səhiyyə və Əhali Nazirliyinin açıqlamasında qəza nəticəsində 28 nəfərin isə xəsarət aldığı bildirilib.

Qeyd olunub ki, ilkin tibbi müdaxilədən sonra yaralılar müalicə üçün Şarm-əl-Şeyx, Müqəddəs Ketrin və Əl-Firuz xəstəxanalarına köçürülüblər.

Qəzanın avtobus sürücüsünün yüksək sürətlə hərəkət edərkən idarəetməni itirməsi nəticəsində baş verdiyi ehtimal edilir.

Hadisə ilə bağlı araşdırma davam edir.

Şəbnəm Mehdizadə