Polis avtomobili avtobusla toqquşdu, 16 nəfər yaralandı

Türkiyənin Sivas vilayətində ağır yol qəzası baş verib.

E-huquq.az "TRT Haber"ə istinadən xəbər verir ki, tələbələri daşıyan avtobusun polis patrul avtomobili ilə toqquşması nəticəsində 13 tələbə və 3 polis əməkdaşı yaralanıb.

Hadisə barədə məlumat daxil olduqdan sonra əraziyə tibb və polis qrupları göndərilib.

Qəza nəticəsində xəsarət alan 13 tələbə və 3 polis əməkdaşı təcili yardım maşınları ilə şəhərdəki xəstəxanalara aparılıb.

Sivas valisi Yılmaz Şimşek xəsarət alanlara baş çəkib.

Qəza ilə bağlı araşdırma aparılır.

Şəbnəm Mehdizadə