Çimərlikdə başlayan dava ölümlə nəticələndi

Yunanıstanın paytaxtı Afina yaxınlığındakı Vuliaqmeni çimərliyində iki yaşlı kişi arasında şezlonqdan istifadə ilə bağlı yaranan mübahisə ölümlə nəticələnib.

E-huquq.az xarici KİV-ə istinadən xəbər verir ki, hadisə zamanı iki nəfər arasında şezlonq üstündə mübahisə yaranıb. Şahidlərin sözlərinə görə, mübahisə qısa müddətdə davaya çevrilib və hadisəyə digər şəxslər də müdaxilə edib.

Mübahisə zamanı 82 yaşlı kişi özünü pis hiss edərək yerə yıxılıb. Ona hadisə yerində ürək-ağciyər reanimasiyası (CPR) tətbiq edilib və defibrilyatordan istifadə olunub.

Lakin bütün tibbi müdaxilələrə baxmayaraq, xəstəxanaya çatdırılan 82 yaşlı kişinin həyatını xilas etmək mümkün olmayıb.

Hadisə ilə bağlı 76 yaşlı kişi saxlanılıb.

Səlahiyyətli orqanlar mübahisənin hansı şəraitdə baş verdiyini və 82 yaşlı kişinin ölümünün dəqiq səbəbini müəyyənləşdirmək üçün araşdırma aparır.

Şəbnəm Mehdizadə