Almaniya Rusiyada şübhəli taun epidemiyası səbəbindən səyahət məhdudiyyətləri tətbiq edə bilər

Almaniya Xarici İşlər Nazirliyinin sözçüsü Yohann Vadeful Sibirdəki taun əleyhinə institutun bir əməkdaşının ölümündən sonra Rusiyadan tam şəffaflıq tələb edib.

E-huquq.az xəbər verir ki, Yohann Vadeful "Bild" qəzetinə müsahibəsində bildirib ki, Rusiya beynəlxalq ictimaiyyətin suallarına cavab verməlidir:

O, hətta Avropanı qorumaq məqsədilə "sərt səyahət məhdudiyyətləri" tətbiq edilməsi ehtimalını da dilə gətirib:

"Biz bu riski nə ala bilərik, nə də buna yol verəcəyik", – deyə siyasətçi vurğulayıb.

Qeyd edək ki, İrkutskdakı taun tədqiqatları institutunda 28 yaşlı bir əməkdaşın ölümü narahatlıq doğurub. Rusiya mətbuatının məlumatına görə, sentyabrın 25-də laboratoriyada taun törədicisi olan sınaq şüşəsi sınıb və həmin qadın dörd gün sonra xəstəxanaya yerləşdirilib. O, oktyabrın 2-də vəfat edib. Bundan əlavə, həmin institutda ikinci mümkün yoluxma halı barədə də məlumat verilib.

Bu arada, İstehlakçıların Hüquqlarının Müdafiəsinə Nəzarət üzrə Federal Xidmət ("Rospotrebnadzor") İrkutsk vilayətində ikinci taun halı ilə bağlı məlumatları təkzib edir. Vilayətin qubernatoru İqor Kobzev isə dünən karantinin ləğv edildiyini elan edib. Rəsmilərin məlumatına görə, laboratoriya işçisi sətəlcəmdən vəfat edib.

Bundesverin Mikrobiologiya İnstitutunun rəhbəri Roman Völfel bildirib ki, hazırda Almaniya və ya Avropa üçün bilavasitə təhlükə yoxdur. Onun sözlərinə görə, ağciyər taunu əsasən yaxın təmas yolu ilə ötürülür və koronavirus və ya qızılca qədər asanlıqla yayılmır.