Türkiyənin Aydın şəhərində iki avtomobilin toqquşması nəticəsində 9 nəfər xəsarət alıb.
E-huquq.az Türkiyə KİV-ə istinadən xəbər verir ki, hadisə Germencik rayonunda qeydə alınıb. Aydın-İzmir şosesində, Atatürk küçəsində İsmayıl Can D.-nin idarə etdiyi avtomobil eyni istiqamətdə hərəkətdə olan Kadir S.-nin idarə etdiyi avtomobillə toqquşub.
Qəzada sürücüər və nəqliyyat vasitələrində olan 7 nəfər yaralanıb.
Yaralılar ilkin tibbi yardım göstərildikdən sonra yaxınlıqdakı xəstəxanalara aparılıb. Onların həyatı üçün təhlükə olmadığı bildirilib.
Qəza səbəbindən nəqliyyatın hərəkətinə bağlanan yol qısa müddətdə açılıb.
Şəbnəm Mehdizadə
