Nigeriyada 18 silahlı dəstə üzvü zərərsizləşdirilib

Nigeriyanın Niger əyalətində keçirilən hava əməliyyatında 18 silahlı dəstə üzvü zərərsizləşdirilib.

E-huquq.az xarici mətbuata istinadən xəbər verir ki, bu barədə Nigeriya Hərbi Hava Qüvvələrinin (NAF) sözçüsü Edvard Qabkvet məlumat verib.

O bildirib ki, əyalətin Şiroro bölgəsində silahlı dəstə üzvlərinə qarşı “Hadarin Daji” adlı hava əməliyyatı keçirilib.

Əməliyyatlar zamanı silahlı dəstə üzvlərinin sığınacaqlarının məhv edildiyini bildirən Qabkvet bu şəxslərə məxsus silah-sursatların ələ keçirildiyini urğulayıb.

Qeyd edək ki, Nigeriya son zamanlar ölkənin müxtəlif bölgələrində silahlı dəstələrin, eləcə də terror qruplaşmalarının hücumları ilə üzləşir.

Şəbnəm Mehdizadə