Türkiyədə ağır qəza, 5 nəfər ölüb

Türkiyədə ağır yol qəzasında 5 nəfər həlak olub.

E-huquq.az “TRT Haber”ə istinadən xəbər verir ki, Tokat-Sivas yolunda mikroavtobusun eyni istiqamətdə hərəkət edən yük maşınına arxadan çırpılması nəticəsində mikroavtobusda olan 5 nəfər ölüb.

Əraziyə dərhal çoxlu sayda təcili tibbi yardım, xilasetmə, jandarma və polis əməkdaşları cəlb edilib.

Bələdiyyənin xilasetmə qrupları tərəfindən mikroavtobusda sıxışmış vəziyyətdə qalan 5 nəfər nəqliyyat vasitəsindən çıxarılıb.

Yoxlamalar zamanı onların öldüyü müəyyən edilib. Ölənlərin kimliyi bəlli deyil.

Hadisə ilə bağlı yük maşınının sürücüsü saxlanılıb.

Araşdırma aparılır.

Şəbnəm Mehdizadə