Peruda 6,2 bal gücündə zəlzələ baş verib.
E-huquq.az xəbər verir ki, bu barədə ABŞ Geoloji Xidməti (USGS) məlumat yayıb.
Məlumata görə, episentri Perunun İray bölgəsində olan zəlzələ yerin 93,4 kilometr dərinliyində baş verib.
Dağıntı və tələfatla bağlı açıqlama verilməyib.
Qeyd edək ki, dünyada ən çox seysmik hərəkətlərə malik ölkələrdən biri olan Peru “Alov halqası” kimi tanınan Sakit Okean Seysmik Bölgəsində yerləşir.
Şəbnəm Mehdizadə
