İranın Loristan əyalətində ağır yol qəzası baş verib.
E-huquq.az yerli mətbuata istinadən xəbər verir ki, bu barədə əyalətin polis rəisi Məhəmməd Zərii məlumat verib.
O, Hürrəm Abad-Burucard avtomobil yolunda avtobus, yük maşını və minik avtomobilinin toqquşduğu qəzada 7 nəfər öldüyünü, 8 nəfər yaralandığını söyləyib.
Qəzaya avtobusun yüksək sürətə görə idarəetmədən çıxması səbəb olub.
İran rəsmisi yaralıların yaxınlıqdakı xəstəxanalara çatdırıldığını qeyd edib.
Şəbnəm Mehdizadə
