ABŞ-ın Kaliforniya ştatında 17 yaşlı oğlan bir ailənin 4 üzvünü qətlə yetirməkdə təqsirləndirilir.
E-huquq.az xarici mətbuata istinadən xəbər verir ki, Kaliforniya ştatının Fresno şəhərinin cənub-qərbində yerləşən Ridli şəhərinin yetkinlik yaşına çatmayanlar üzrə məhkəməsində hakim qarşısına çıxarılan oğlan ona qarşı irəli sürülən ittihamları rədd edib.
Məhkəmə onun həbs-qətimkan tədbirinin uzadılmaısna qərar verib. Təqsiri sübuta yetiriləcəyi halda onun 25 yaşına qədər islah müəssisəsində saxlanacağı gözlənilir.
Prokurorlar R.İ.-nin yetkinlik yaşına çatmış kimi mühakimə olunmasını tələb edirlər. Bu halda onun ömürlük həbs cəzası ala biləcəyi bildirilir.
Polis öldürülən 4 nəfərdən 3-nün cəsədinin qurbanların evlərinin arxasındakı bağda, digərinin isə R.İ.-nin evinin qarajında basdırıldığını açıqlayıb.
"The Fresno Bee" qəzetinin məlumatına görə, polis qurbanların evində silah və pul olan seyfin zorla açılaraq boşaldıldığını və bunun qətl üçün mümkün motiv ola biləcəyini açıqlayıb.
R.İ.-nin cinayət işində şübhəli şəxs kimi anası və sevgilisi isə zaminə buraxılıblar.
Şəbnəm Mehdizadə
