Filippində torpaq sürüşməsi nəticəsində 7 nəfər həlak olub.
E-huquq.az xarici mətbuata istinadən xəbər verir ki, Davao de Oro bölgəsində güclü yağışlar torpaq sürüşməsinə səbəb olub. Monkayo şəhərində ev dağıdılıb.
Mülki Müdafiə İdarəsinin regional direktoru Ednar Dayangiranq aralarında uşaqların da olduğu ən azı 7 nəfərin öldüyünü, 2 nəfərin ağır yaralandığını, 5-10 nəfərin isə itkin düşdüyünü açıqlayıb.
O, günlərlə davam edən leysan yağışları nəticəsində bir çox kəndin su altında qaldığını bildirib.
Qeyd edək ki, 7 600-dən çox adadan ibarət olan və ildə təxminən 20-yə yaxın tropik qasırğanın baş verdiyi Filippində tez-tez torpaq sürüşmələri və daşqınlar baş verir.
Şəbnəm Mehdizadə
