Türkiyənin İzmir şəhərinin Çeşme, Dikili və Karaburun rayonları sahillərində 57 qeyri-qanuni miqrant xilas edilib, 55 miqrant isə yaxalanıb.
E-huquq.az Türkiyə mətbuatına istinadən xəbər verir ki, rezin qayıqlarda qanunsuz miqrantların olması barədə daxil olan xəbərdən sonra əraziyə göndərilən sahil mühafizəçiləri Yunanıstan tərəfindən geri qaytarılan 12-si uşaq olmaqla 57 miqrantı xilas edib.
Sahil Təhlükəsizlik qrupları daha iki rezin qayığı dayandıraraq 11-i uşaq olmaqla 55 qeyri-qanuni miqrantı yaxalayıb.
Qanunsuz miqrantlar müvafiq prosedurlardan sonra Miqrasiya İdarəsinə göndərilib.
Şəbnəm Mehdizadə
