Avstraliyadan Yeni Zelandiyaya uçan təyyarədə texniki nasazlıq nəticəsində 50 nəfər yaralanıb.
E-huquq.az xarici mətbuata istinadən xəbər verir ki, Sidneydən Oklendə uçan təyyarə texniki nasazlıq səbəbindən havada olarkən silkələnib.
Təyyarədə baş verən silkələnmə nəticəsində 50-yə yaxın adam xəsarət alıb.
Oklend hava limanına enən təyyarədə yaralananlara tibbi yardım göstərilib. 13 nəfər xəstəxanaya çatdırılıb.
Texniki nasazlığın səbəbi araşdırılır.
Şəbnəm Mehdizadə
