Polşada güclü külək 5 nəfərin həyatına son qoyub

Polşada güclü külək zamanı ağacların aşması nəticəsində 5 nəfər ölüb.

E-huquq.az xəbər verir ki, bu barədə "The Guardian" qəzeti məlumat yayıb.

Məlumata görə, Zakopane və Rabka-Zdroj şəhərlərində güclü külək nəticəsində 3 ayrı qəza baş verib.

Rabka-Zdroj şəhərində ağacların aşması nəticəsində 2 qadın və 1 uşaq ölüb.

Zakopane şəhərində isə ağacın avtomobilin üzərinə düşməsi nəticəsində 1 qadın və 1 uşaq ölüb.

Əhaliyə güclü küləklə bağlı xəbərdarlıq edilib.

Şəbnəm Mehdizadə