ABŞ Prezidenti Co Bayden və İsrailin Baş naziri Benyamin Netanyahu arasında telefon danışığı baş tutub.
E-huquq.az xəbər verir ki, bu barədə Ağ Evin mətbuat xidməti məlumat yayıb.
Məlumata görə, telefon danışığı zamanı tərəflər İranın İsrailə və İsrail xalqına qarşı açıq təhdidlərini müzakirə ediblər.
"Prezident Bayden ABŞ-nin bu təhdidlər qarşısında İsraili güclü şəkildə dəstəklədiyini açıqlayıb", – Ağ Ev qeyd edib.
İki ölkə lideri Qəzza zolağındakı vəziyyəti də müzakirə edib.
“ABŞ lideri Qəzza zolağında humanitar işçilərə hücumların qəbuledilməzliyini vurğulayıb, eləcə də sözügedən bölgədə ümumi humanitar vəziyyətə diqqət çəkib”, – məlumatda deyilir.
Co Bayden bildirib ki, İsrail mülki şəxslərə və humanitar işçilərə mümkün zərərin qarşısını almaq üçün konkret addımlar atmalıdır.
