Yanğın təhlükəli mağazanın fəaliyyəti dayandırıldı - VİDEO

Bakı şəhəri, Nizami rayonu, Qara Qarayev prospektində işlənmiş soyuducuların təmiri və satışı mağazasında nöqsanlar aşkarlanıb.

E-huquq.az xəbər verir ki, bu barədə Fövqəladə Hallar Nazirliyi məlumat yayıb

Belə ki, Qəribov Babək Allahverən oğluna məxsus obyektdə mövcud vəziyyətə görə, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Qeyd olunanları nəzərə alaraq, yanğın təhlükəsizliyi norma və qaydalarının tələblərinin kobud pozulması faktları mağazanın fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib.