Avropa Məhkəməsi Gürcüstan Rusiyaya qarşı işinə baxılmasını bərpa etdi

Avropa İnsan Hüquqları Məhkəməsi “Gürcüstan Rusiya Federasiyasına qarşı” adlı işə baxılma prosesini bərpa edib.

E-huquq.az xəbər verir ki, bunu Gürcüstanın ədliyyə naziri Rati Breqadze bildirib.

Nazir deyib ki, iş Rusiyanın Gürcüstanın işğal altında olan ərazilərində insan haqlarını pozması ilə bağlıdır: “Bizim çox ciddi dəlillərimiz var və əminik ki, əvvəlki işlərimiz kimi bu işi də udacağıq. Bu işdə həqiqət Gürcüstan tərəfindədir və mübarizə davam edir”.

Qeyd edək ki, Gürcüstanın Ədliyyə Nazirliyi 2018-ci ilin avqustunda Avropa İnsan Hüquqları Məhkəməsinə IV dövlətlərarası ittiham təqdim edib.

Mənbə: Report