Türkiyənin "Aslanoğullari Endüstriyel Mutfak Tesisat İmalat Gida Tekstil İthalat İhracat Sanayi ve Ticaret LTD" şirkətinin Azərbaycandakı filialına cərimə protokulu yazılıb.
E-huquq.az xəbər verir ki, şirkət barəsində aidiyyəti orqan tərəfindən İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə inzibati protokol tərtib edilib.
İşə Nərimanov Rayon Məhkəməsində hakim Vüqar Qurbanovun sədrliyi ilə baxılacaq.
Qeyd edək ki, İXM-in 430.4-cü maddəsinə görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.
Eltac Nurullazadə
.jpg)
