Ulu Öndər Heydər Əliyevin anadan olmasının 100 illiyi münasibətilə ölkə Prezidenti cənab İlham Əliyevin Sərəncamı ilə 2023-cü ilin “Heydər Əliyev İli” elan olunması ilə bağlı Ədliyyə Nazirliyi tərəfindən silsilə tədbirlər müəyyən edilərək həyata keçirilir. Bu məqsədlə nazirlikdə, o cümlədən regional ədliyyə idarələrində Ümummilli lider Heydər Əliyevin xatirəsinə həsr olunan konfranslar, görüşlər, açıq qapı günləri, idman və intellektual yarışlar təşkil olunur.
Nazirlikdən e-huquq.az-a verilən məlumata görə, “Heydər Əliyev İli” çərçivəsində Gəncə regional ədliyyə idarəsinin təşkilatçılığı ilə dahi öndərin 100 illiyinə həsr olunan şahmat turniri keçirilib.
Gəncə Şəhər 2 nömrəli Uşaq Gənclər İdman Şahmat Məktəbində təşkil olunmuş turnirdə regionda fəaliyyət göstərən ədliyyə işçiləri, hakimlər və məhkəmə aparatının əməkdaşları iştirak ediblər.
Gəncə Apelyasiya Məhkəməsinin hakimi yarışın qalibi olub.
Yekunda turnirin qalibi və iştirakçıları müvafiq diplomlarla təltif ediib.
.jpg)
