Ali Məhkəmə xeyli miqdarda mənimsəmədə təqsirləndirilən Əlihüseyn Nuriyevin barəsindəki qərardan prokuror tərəfindən verilən kassasiya protestinə baxıb.
Bu barədə e-huquq.az-a təqsirləndirilən şəxsin vəkili Mədail Fərzəliyev məlumat verib.
O bildirib ki, hakim Əziz Seyidovun sədrliyi ilə keçirilən prosesdə qərar elan edilib. Qərara əsasən, prokurorun protesti təmin edilməyib, apellyasiya məhkəməsinin qərarı qüvvədə saxlanılıb.
Qeyd edək ki, Cinayət Məcəlləsinin 179.2.4-cü maddəsi ilə təqsirli bilinən Ə.Nuriyev Quba Rayon Məhkəməsinin qərarı ilə 2 il müddətinə azadlıqdan məhrum edilib. Qərardan narazı qalan müdafiə tərəfi apellyasiya şikayəti verib. Sumqayıt Apellyasiya Məhkəməsi şikayəti qismən təmin edib və azadlıqdan məhrumetmə cəzasını azadlığın məhdudlaşdırılması ilə əvəz edib.
Eltac Nurullazadə
.jpg)
