Bakıda 5 yaşlı uşağın ağır xəsarət aldığı qəza ilə bağlı məhkəmə başlayır

Bakıda xəsarətlə nəticələnən yol-nəqliyyat hadisəsi törətməkdə təqsirləndirilən Emin Qasımovun cinayət işi üzrə ibtidai istintaq başa çatıb.

E-huquq.az-ın məlumatına görə, iş üzrə toplanan materiallar baxılması üçün Nizami Rayon Məhkəməsinə göndərilib.

Hakim İlham Kərimlinin sədrliyi ilə keçiriləcək məhkəmənin hazırlıq iclası avqustun 7-nə təyin olunub.

Qeyd edək ki, hadisə Bakının Nizami rayonunda baş verib. Belə ki, Emin Qasımov idarə etdiyi avtomobillə yolu keçən 2018-ci il təvəllüdlü Seyidova Nazpəri Pərvin qızını vurub. Yaralı təcili tibbi yardımın köməkliyi ilə xəstəxanaya çatdırılıb. Sürücüyə qarşı Cinayət Məcəlləsinin 263.1-ci maddəsi ilə ittiham irəli sürülüb.

Şəbnəm Mehdizadə