Salyanda ana və oğlunu qətlə yetirməkdə təqsirləndirilən şəxsin məhkəməsi başlayır

Salyanda ana və oğlunu öldürməkdə təqsirləndirilən Ziya Əliyevin cinayət işi üzrə ibtidai istintaq başa çatıb.

E-huquq.az-ın məlumatına görə, iş üzrə toplanmış materiallar baxılması üçün Lənkəran Ağır Cinayətlər Məhkəməsinə göndərilib.

İş hakim Əli Əliyevin icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, 1981-ci il təvəllüdlü Ziya Əliyev aralarında yaranmış mübahisə zamanı kəsici alətlə zərbələr endirərək qardaşı arvadı,1963-cü il təvəllüdlü Rahilə Əliyeva və onun oğlu, 1992-ci il təvəllüdlü Bəhruz Əliyevi öldürməkdə təqsirləndirilir. Ona qarşı Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsilə ittiham irəli sürülüb.

Şəbnəm Mehdizadə