Azərbaycan ərazisinə keçən iki gənc Ermənistana qaytarıldı

Ermənistanın Sünik rayonundan olan, azaraq Azərbaycan ərazisinə keçmiş iki yeniyetmə qarşı tərəfə təhvil verilib.

Bu barədə e-huquq.az yerli mətbuata istinadən xəbər verir.

Məlumatı Ermənistanın Milli Təhlükəsizlik Xidməti də təsdiqləyib və daha sonra ətraflı məlumat yayacağını vəd edib.

Xatırladaq ki, Sünik rayonunun Tex icmasının sakinləri - 2007-ci il təvəllüdlü Karen Cangiryan və 2008-ci il təvəllüdlü Andrey Qyaqunts iyunun 6-na keçən gecə saat 01:20 radələrində Aravus kəndi ilə bitişik ərazidə azaraq Azərbaycan ərazisinə keçiblər.