"Azəriqaz"ın baş direktoru Laçında vətəndaşları qəbul edəcək

SOCAR-ın "Azəriqaz" İB-nin baş direktorunun növbəti vətəndaş qəbulu 10 aprel saat 11:00-da, Laçın rayonunda Azərbaycan Respublikası Prezidentinin xüsusi nümayəndəliyinin inzibati binasında (Ünvan: Laçın şəhəri, H. Əliyev küçəsi 96) baş tutacaq.

E-huquq.az xəbər verir ki, görüş zamanı Laçın rayonundan olan sakinlərin müraciətləri dinləniləcək.

Vətəndaşların diqqətinə çatdırırıq ki, qəbulda ünvanlanan müraciətlər yalnız "Azəriqaz" İB-nin xidmət sahələrinə aid olmalıdır.

Qəbula dair əlavə məlumat almaq istəyənlər Qarabağ Regional Qaz İstismarı İdarəsinə (tel: 050-844-40-03; 050-844-40-41) müraciət edə bilərlər.