Bakı metrosunda oğurluq etməkdə təqsirləndirilən şəxsin istintaqı başa çatdı

Bakı metorsunda oğurluq etməkdə təqsirləndirilən Samir Almuradovun cinayət işi üzrə ibtidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Nəsimi Rayon Məhkəməsinə göndərilib.

İş hakim Anar İbadzadənin icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, Sumqayıt şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş Samir Almuradov Bakı Metropolitenində bir nəfərin cibindən mobil telefon oğurlamaqda təqsirləndirilir. Ona qarşı Cinayət Məcəlləsinin 177.2.5 -ci maddəsi üzrə ittiham irəli sürülüb.

Şəbnəm Mehdizadə