Polis adı ilə 17 milyonluq dələduzluq etdilər

Türkiyədə vətəndaşlara qarşı dələduzluqda təqsirləndirilən dəstə üzvləri saxlanılıb.

E-huquq.az Türkiyə mətbuatına istinadən xəbər verir ki, şübhəlilər Ankarada yaşayan 9 vətəndaşa zəng edərək özlərini polis kimi təqdim etdikdən sonra ümumilikdə 17,5 milyon lirə məbləğində dələduzluq edib.

Onlar 9 zərərçəkmişlərdən pul və qızıl-zinət əşyaları götürüb, həmçinin onlardan dollarlarını dəyişdirib hesablarına köçürmələrini istəyiblər.

Ankara, İstanbul, İzmir, Dənizli, Nevşehir, Mersin, Qaziantep və Adanada eyni vaxtda keçirilən əməliyyatlarda 24 şübhəli saxlanılıb.

Şübhəlilərdən 18-i həbs edilib.

Şəbnəm Mehdizadə