"NATO Rusiyaya qarşı daha sərt cavablara hazırdır"

"NATO davam edən təxribatların qarşısını almaq üçün Rusiyaya cavab verməyə hazırdır".

E-huquq.az xəbər verir ki, bunu NATO-nun baş katibi Mark Rutte bildirib.

Rutte bildirib ki, NATO daha sərt cavablara hazırdır: "Lakin biz həmişə vəziyyəti dəyərləndirərək addım atmalıyıq".

Rutte həmçinin qeyd edib ki, Rusiya təyyarələrini Estoniya hava məkanından müşayiət edən NATO pilotları birbaşa təhlükə aşkar etməyiblər:

"Estoniyanın hava məkanının ən son pozulması zamanı NATO qüvvələri dərhal təyyarəni ələ keçirib və müşayiət edib”.

Baş katib həmçinin vurğulayıb ki, Danimarkada pilotsuz təyyarə insidentinin Rusiyanın müdaxiləsi ilə bağlı olub-olmadığını söyləmək üçün hələ tezdir.

Humay Eminqızı