Türkiyədə avtobus qəzasında 2 nəfər öldü, 19 nəfər yaralandı

Ramazan bayramının ilk günü Türkiyənin Adana vilayətində sərnişin avtobusunun iştirakı ilə ağır yol-nəqliyyat hadisəsi baş verib.

E-huquq.az xəbər verir ki, ilkin məlumata görə, avtobus Kozan rayonunda aşıb. Nəticədə 2 sərnişin ölüb, daha 19 nəfər yaralanıb.

Yaralılar dövlət xəstəxanasına çatdırılıb. Faciəvi hadisənin səbəbləri araşdırılır.

Türkiyə Prezidenti Rəcəb Tayyib Ərdoğan bundan əvvəl vətəndaşları yollarda diqqətli olmağa çağırıb: “Bayram sevincinə kölgə sala biləcək səhvlərə yol verməyin”.