Krım yarımadasında təyyarə qəzaya uğrayıb, 29 nəfər ölüb

Rusiyanın ilhaqı altında olan Krım yarımadasında təyyarə qəzası baş verib.

E-huquq.az TASS-a istinadən xəbər verir ki, bu barədə Rusiya Müdafiə Nazirliyi məlumat yayıb.

Məlumata görə, Krım yarımadası üzərində planlaşdırılmış uçuş həyata keçirən ikimühərrikli An-26 nəqliyyat təyyarəsi ilə əlaqə kəsilib.

Əraziyə axtarış-xilasetmə qrupları göndərilib.

Təyyarədə olan 23 sərnişin və 6 ekipaj üzvünün hamısının həlak olduğu bildirilib.

İlkin məlumatlara görə, qəzaya texniki nasazlıq səbəb olub.

Şəbnəm Mehdizadə