"Artemis II" ekipajı üçün missiyanın ən təhlükəli mərhələsi yaxınlaşır

Ayın uzaq tərəfinə tarixi uçuşunu başa vuran "Artemis II" ekipajı üçün missiyanın ən təhlükəli mərhələsi yaxınlaşır.

E-huquq.az xəbər verir ki, Aya səyahətləri zamanı radiasiya kəmərləri və böyük yanacaq sərfiyyatı kimi riskləri dəf edən astronavtlar indi saatda 40.000 kilometri keçən sürətlə Yer atmosferinə daxil olmağa hazırlaşırlar.

Yer atmosferinə yenidən daxil olarkən kosmik gəmi havadakı molekulları şiddətlə sıxaraq səs sürətindən 30 dəfə artıq olacaq.

Bu proses zamanı kapsulun xarici səthindəki temperaturun 2760 dərəcə Selsiyə yüksələcəyi gözlənilir.

Missiyanın ən kritik nöqtəsi 2022-ci ildə pilotsuz "Artemis I" uçuşu zamanı müəyyən edilən istilik qalxanı problemidir.

Həmin vaxt “Orion” kapsulunun üzərindəki “Avcoat” adlı qoruyucu materialda gözlənilməz çatlar və xarablar müşahidə edilib.

"Artemis II" kapsulunun istilik qoruyucusu "Artemis I" ilə demək olar ki, eyni quruluşa malik olduğundan, NASA mühəndisləri bu riskdən xəbərdar olduqlarını etiraf edirlər.

İstilik qalxanı öz funksiyasını yerinə yetirə bilməsə, astronavtların sağ qalmaq şansı yoxdur. Bu riski minimuma endirmək üçün NASA "Artemida II" üçün fərqli atmosferə yenidən giriş trayektoriyası seçib.

NASA rəsmiləri deyirlər ki, bir ildən çox sınaqdan sonra ekipajın sağ-salamat qayıdacağına inanırlar.

Şəbnəm Mehdizadə