Tovuz rayon Düz Cırdaxan kəndində ağır yol-nəqliyyat hadisəsi olub.
E-huquq.az xəbər verir ki, yanacaqdoldurma məntəqəsinin yaxınlığında "VAZ-2104" və "VAZ-21099" markalı avtomobillərin iştirakı ilə baş verniş qəza zamanı 1 nəfər – 1961-ci il təvəllüdlü Razim Mədətov ölüb.
Daha 5 nəfər – 1989-cu il təvəllüdlü V.Məmmədov, 1969-cu il təvəllüdlü H.Məmmədov, 1989-cu il təvəllüdlü E.Əhmədova və 2 azyaşlı xəsarət alıb.
Onlar xəstəxanaya yerləşdirilib.
Faktla bağlı araşdırma aparılır.
