Tərtərdə iki nəfərin qətlində təqsirləndirilən şəxsin məhkəməsi başlayır


  • 2 İyun 2023 19:02

Tərtərdə iki nəfərin qətlində təqsirləndirilən Asəf Məmmədovun cinayət işi üzrə itbidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Gəncə Ağır Cinayətlər Məhkəməsinə göndərilib.

Hakim Abdulla Məmmədovun sədrliyi ilə keçiriləcək məhkəmənin hazırlıq iclası iyunun 13-nə təyin olunub.

Qeyd edək ki, Fevralın 19-u saat Tərtər rayon sakinləri 1981-ci il təvəllüdlü Gülnar Məmmədovanın və 1991-ci il təvəllüdlü Namiq Allahverdiyevin ölməsinə dair prokurorluğa məlumat daxil olub. Keçirilmiş istintaq-əməliyyat tədbirləri nəticəsində Namiq Allahverdiyevin odlu silahla, Gülnar Məmmədovanın isə kəsici-deşici alətlə sonuncunun əri 1979-cu il təvəllüdlü Asəf Məmmədov tərəfindən öldürülməsinə əsaslı şübhələr müəyyən edilib. Faktla bağlı Cinayət Məcəlləsinin 120.2.7-ci (iki və ya daha çox şəxsi öldürmə) maddəsi ilə cinayət işi başlanıb.

Şəbnəm Mehdizadə

Oxşar xəbərlər