Bakıda 51 yaşlı kişinin qətlində ittiham olunan şəxs hakim qarşısına çıxarılır

Bakıda tanışını öldürməkdə təqsirləndirilən Səyavuş Abbasovun cinayət işi üzrə ibtidai istintaq başa çatıb.

E-huquq.az-ın məlumatına görə, toplanmış cinayət işi materialları baxılması üçün Bakı Ağır Cinayətlər Məhkəməsinə göndərilib.

İş hakim Fəxri Məmmədovun icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, 1963-cü il təvəllüdlü Səyavuş Abbasov Nəsimi rayonu ərazisində aralarında yaranmış mübahisə zamanı 1972-ci il təvəllüdlü Araz Həsənova bıçaqla xəsarət yetirərək onu qəsdən öldürməkdə təqsirləndirlir. S.Abbasova qarşı Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddəsi ilə ittiham irəli sürülüb.

Şəbnəm Mehdizadə