Sudanda torpaq sürüşməsi zamanı 1000 nəfər həlak olub

Sudanın qərbindəki Marra dağları bölgəsində güclü torpaq sürüşməsi baş verib.

E-huquq.az xarici mətbuata istinadən xəbər verir ki, avqustun 31-də yağan güclü yağışdan sonra baş verən torpaq sürüşməsi kəndi dağıdıb.

Sudan Azadlıq Hərəkatı/Ordusu (SLM) ən azı 1000 nəfərin öldüyünü və yalnız bir nəfərin sağ qaldığını açıqlayıb.

“İlkin məlumatlara görə, bütün kənd sakinləri həyatını itirib, yalnız bir nəfər sağ qalıb” – deyə məlumatda qeyd olunub.

Hərəkat Birləşmiş Millətlər Təşkilatına və beynəlxalq yardım təşkilatlarına müraciət edərək, aralarında qadın və uşaqların da olduğu qurbanların qalıqlarının çıxarılmasını istəyib.

Şəbnəm Mehdizadə