Tramp: Dohaya zərbə ABŞ və İsrailin məqsədlərinə uyğun deyil

İsrail ordusunun Dohada Fələstinin HƏMAS hərəkatının siyasi büro üzvlərinə aviazərbəsi nə ABŞ-nin, nə də yəhudi dövlətinin məqsədlərinə nail olmağa xidmət etmir.

E-huquq.az xəbər verir ki, bu barədə ABŞ Prezidenti Donald Tramp bəyan edib.

“ABŞ hərbi qüvvələri Tramp administrasiyasını İsrailin HƏMAS-a zərbə endirdiyi barədə məlumatlandırdı", - o, “Truth Social” sosial şəbəkəsində yazıb.

Prezident HƏMAS nümayəndələrinin Dohada olmasından böyük təəssüf hissi keçirdiyini qeyd edib.

“Bu qərar mənim tərəfimdən deyil, İsrail Baş naziri Binyamin Netanyahu tərəfindən qəbul edilib”, - Tramp əlavə edib.

O vurğulayıb ki, suveren bir dövlət və ABŞ-nin yaxın müttəfiqi olan, sülhə nail olmaq üçün ciddi çalışan və riskə girən Qətəri bombalamaq nə İsrailin, nə də Amerikanın məqsədlərinə uyğun deyil.