Bakıda Vətən müharibəsi iştirakçısını qətlə yetirməkdə təqsirləndirilən şəxs həbs edildi


  • 17 Avqust 09:40

Baş Prokurorluq Bakının Nəsimi rayonunda törədilmiş qətllə bağlı məlumat yayıb.

Prokurorluqdan e-huquq.az-a verilən xəbərə görə, avqustun 15-də paytaxtın Nəsimi rayonu, 3-cü Alatava ərazisində Niyaməddin Muradovun qəsdən öldürülməsi faktı ilə bağlı Nəsimi rayon prokurorluğunda Cinayət Məcəlləsinin 120.1-ci maddəsi ilə başlanmış cinayət işi üzrə əməl həmin məcəllənin 120.2.2-ci (xuliqanlıq niyyəti ilə adam öldürmə) maddəsinə tövsif olunub.

Cinayəti törətməkdə şübhəli bilinən Bəxtiyar Qarayev qeyd edilən maddə ilə təqsirləndirilən şəxs qismində cəlb olunaraq məhkəmənin qərarı ilə barəsində həbs qətimkan tədbiri seçilib.

Oxşar xəbərlər