"Azəriqaz" rəhbərliyinin növbəti vətəndaş qəbulu Qəbələdə keçiriləcək

SOCAR-ın “Azəriqaz” İB-nin baş direktorunun Qəbələ rayonunda vətəndaş qəbulu 16 may saat 11:00-da Həzi Aslanov küçəsində yerləşən Mədəniyyət Mərkəzində baş tutacaq.

E-huquq.az xəbər verir ki, görüş zamanı Qəbələ və Oğuz rayonlarından olan sakinlərin müraciətləri dinləniləcək. Vətəndaşların diqqətinə çatdırırıq ki, qəbulda ünvanlanan müraciətlər yalnız "Azəriqaz" İB-nin fəaliyyəti ilə bağlı olmalıdır. Qəbula dair əlavə məlumat almaq istəyənlər Zaqatala Regional qaz istismarı İdarəsinə (tel: 050-845-97-89; 050-845-70-88) müraciət edə bilərlər.