"WhatsApp"dan YENİLİK

"WhatsApp" istifadəçilərə qısa mətn yeniləmələrini paylaşmağa imkan verən yeni bir status xüsusiyyətini təqdim edir.

E-huquq.az xarici KİV-ə istinadən xəbər verir ki, "Meta" tətbiqi istifadəçilərə "Instagram Notes"a bənzər qısa mesajla nə etdiklərini və ya həyatlarında baş verənləri paylaşmağa imkan verəcək.

Şirkət bildirir ki, istifadəçilər bu sahəni söhbətə başlamaq və ya hazırda niyə əlçatan olmadıqlarını izah etmək üçün də istifadə edə bilərlər.

"WhatsApp" yeni yeniləmənin əsasən tətbiqin ilk xüsusiyyətlərindən biri olan "Haqqında" bölməsinin modernləşdirilmiş versiyası olduğunu açıqlayıb.. Bu xüsusiyyət istifadəçilərin statuslarını bir gün ərzində ictimaiyyətə açıq şəkildə göstərəcək və 24 saatdan sonra avtomatik olaraq yox olacaq. İstifadəçilər müddəti qısalda və ya uzada bilərlər.

Yeni "Haqqında" statusu təkbətək söhbətlərin yuxarısında və istifadəçi profillərində daha çox görünəcək.

İstifadəçilər, həmçinin başqasının status mətninə toxunaraq birbaşa cavab verə bilərlər.

Yeniləmə "Instagram Notes" qədər əhatəli deyil, qısa videolar və ya musiqi inteqrasiyası kimi xüsusiyyətlər hazırda yoxdur.

Lakin "WhatsApp" bildirir ki, əgər bu funksiya geniş şəkildə tətbiq olunarsa, yeni əlavələr edilə bilər.

"WhatsApp" bu həftədən etibarən funksiyanın tədricən mobil cihazlara tətbiq olunacağını açıqlayıb.

Şəbnəm Mehdizadə