Türkiyədə 16 qanunsuz miqrant saxlanıldı

Türkiyənin Hatay şəhərində 16 qanunsuz miqrant saxlanılıb.

E-huquq.az “TRT Haber”ə istinadən xəbər verir ki, polis əməkdaşları Antakya-Belen avtomobil yolunda yük maşınından şübhələnərək onu saxlayaraq axtarış aparıblar.

Yoxlamalar zamanı yük maşınında olan 16 nəfərin ölkəyə qeyri-qanuni yollarla daxil olan miqrantlar olduğu müəyyən edilib.

Onlar rayon miqrasiya idaarəsinə təhvil verilib.

Miqrantları ölkəyə keçirməkdə şübhəli bilinən 2 nəfər saxlanılıb.

Humay Eminqızı